Rusiya prezidenti Vladimir Putin Məsud Pezeşkian ilə görüşündə bildirib ki, Moskva regionda davam edən müharibəyə və böhrana son qoyulması üçün öz imkanlarından istifadə etməyə hazırdır.
TASS agentliyinin məlumatına görə, Putin Pezeşkian ilə görüşdə Rusiyanın mövcud vəziyyətin həllinə kömək etmək üçün «əlindən gələn hər şeyi etməyə hazır» olduğunu deyib. O, həmçinin Tehranın ABŞ və İsraillə müharibəyə son qoymaq üçün müəyyən səylər göstərdiyini qeyd edib.
Pezeşkian da görüşdə İslam Respublikasının danışıqlar yolundan çəkilməyəcəyini vurğulayıb. Prezident Aparatının bəyanatına əsasən, o, diplomatik təmaslarla eyni vaxtda hərbi hücumlar həyata keçirilsə də, Tehranın dialoqu davam etdirdiyini deyib.
Pezeşkian əlavə edib ki, Tehran irəli sürülən təklifləri yekunlaşdırır və son mətn hazır olduqdan sonra öz mövqeyini vasitəçilər üzərindən çatdıracaq.
