ABŞ-ın maliyyə naziri bildirib ki, İran sentyabr ayında öz limanlarından bir dənə də olsun xam neft yükü yükləməyib. Bir neçə tanker izləmə şirkətinin ilkin məlumatları da bu iddianı təsdiqləyir.
Skott Bessent X sosial şəbəkəsində yazıb: «İran sentyabr ayında tankerlərə sıfır barel xam neft yükləyib». O, Donald Tramp administrasiyasının İslam Respublikasının «ən həyati gəlir mənbəyini» kəsdiyini iddia edib.
«Bloomberg» agentliyi, həmçinin «Kpler» və «Vortexa» şirkətlərinin dərc etdiyi ilkin məlumatlara görə, sentyabr ərzində İran limanlarından yeni xam neft yüklənməsi qeydə alınmayıb. Halbuki bu iki şirkət avqust ayı üçün göstəricini gündə təxminən 220-255 min barel kimi qiymətləndirmişdi.
İran əvvəllər yükləyib Asiya sularında saxladığı neftin bir hissəsini hələ də alıcılara, xüsusilə Çindəki alıcılara təhvil verir. Lakin yeni yüklər göndərilmədiyi üçün bu ehtiyatlar azalır.
