ABŞ-ın Yaxın Şərqin müxtəlif ölkələrindəki səfirlikləri bu gün əlaqələndirilmiş təhlükəsizlik xəbərdarlıqları yayıb. ABŞ Xarici İşlər Nazirliyinin sözçüsü bu ölkənin vətəndaşlarından ehtiyatlı olmalarını istəyib.
Xəbərdarlıqlarda uçuşların ləğv olunması, hava məkanının bağlanması və səyahətlərdə yarana biləcək fasilələr ehtimalına diqqət çəkilib.
Amerikalılara İran, İraq, Livan, Suriya, Yəmən və Qəzzaya səyahət etmək qadağan edilib. İranla bağlı xüsusi olaraq vurğulanıb ki, hazırda bu ölkədə olanlar mümkün qədər tez bir zamanda regionu tərk etsinlər.
Səudiyyə Ərəbistanı ilə bağlı səyahət planlarının yenidən nəzərdən keçirilməsi tövsiyə olunub. Bəhreyn, Oman, Qətər, Küveyt və İordaniya da təhlükəsizlik xəbərdarlığına daxil edilib.
