Səudiyyə Ərəbistanının vəliəhdi və Türkiyə prezidenti telefon danışığında regiondakı son inkişafları və ikitərəfli əməkdaşlığın genişləndirilməsi yollarını müzakirə ediblər.\n\nSəudiyyə Ərəbistanının rəsmi xəbər agentliyinə istinadən, şahzadə Məhəmməd bin Salman və Rəcəb Tayyib Ərdoğan telefon danışığında ikitərəfli əlaqələr və regiondakı son inkişaflar barədə fikir mübadiləsi ediblər. Danışıq zamanı Ərdoğan husi silahlıların Qırmızı dənizdə gəmilərə hücumlarını pisləyib və Türkiyənin regionun təhlükəsizliyini və sabitliyini qorumaq üçün Səudiyyə Ərəbistanının atdığı addımları tam dəstəklədiyini vurğulayıb.
Bu danışıq elə bir şəraitdə baş verib ki, husilərin Qırmızı dənizdə və Bab əl-Məndəb boğazında gəmiçilik marşrutlarına hücumları təhlükəsizlik gərginliyinin artmasına səbəb olub. Səudiyyə Ərəbistanı son günlər gəmiçilik xətlərini qorumaq və bu strateji su yolunun təhlükəsizliyini təmin etmək məqsədilə çoxmillətli dəniz koalisiyasının yaradılması barədə də açıqlama verib.
