Yəmən hökumətinin xarici işlər naziri Əfrah əz-Zubə bildirib ki, husiçilər İranın Hörmüz boğazındakı modelini Bab əl-Məndəb boğazında tətbiq etməyə çalışır.
Əl-Ərəbiyyəyə istinadən əz-Zubə deyib ki, bu qrup beynəlxalq ictimaiyyətin dəniz gəmiçiliyinə qarşı hücumlarına qəti reaksiya vermədiyinə görə daha da cəsarətlənib. O vurğulayıb ki, Yəmən hökuməti münaqişəyə sülh yolu ilə son qoymağa sadiq qalır, lakin husiçilər təzyiqi artırmağa və hərbi əməliyyatlarını genişləndirməyə davam edərsə, hökumət «gərginliyi artırmağa» hazırdır.
Yəmənin xarici işlər naziri izah edib ki, dövlət qüvvələri ilə husiçilər arasındakı təmas xətlərində atışmalar davam edir; bu da diplomatik səyləre baxmayaraq, sahədəki vəziyyətin hələ də qeyri-sabit olduğunu göstərir. Əz-Zubə həmçinin qeyd edib ki, hazırda Yəmən hökuməti ilə husiçilər arasında heç bir birbaşa danışıq gedmir və Oman Sultanlığı iki tərəf arasında vasitəçilik rolunu oynamağa davam edir.
