Suriyada son inkişaflarda hakimiyyət 2013-cü ildə Dəməşqin “Tədəmün” məhəlləsində baş vermiş kütləvi qətliamın əsas təqsirləndirilənlərindən biri olan Əmjad Yusifin saxlanıldığını açıqlayıb.

ArazNews-un Suriya rəsmi mənbələrinə istinadən verdiyi məlumata görə, Daxili İşlər Nazirliyi keçmiş kəşfiyyat zabiti Əmjad Yusifin Həma əyalətinin ətrafında keçirilən əməliyyat zamanı həbs edildiyini bildirib. O, gözləri bağlı və əlləri bağlanmış onlarla mülki şəxsin toplu şəkildə edam edildiyi hadisənin başlıca məsullarından sayılır.

Bu qətliamın görüntüləri yayımlandıqdan sonra beynəlxalq ictimaiyyətdə geniş rezonans doğurmuş, silahsız insanların çuxura aparılaraq güllələnməsi kəskin reaksiyalarla qarşılanmışdı.

Müşahidəçilər bu həbsi uzun illərdən sonra məsuliyyətin təmin olunması istiqamətində mühüm addım kimi qiymətləndirir.