ABŞ prezidenti Donald Tramp son açıqlamasında Axios-un yaydığı hesabatı faktiki olaraq təkzib edib. Axios daha əvvəl iddia etmişdi ki, Vaşinqton İranla razılaşma üzərində işləyir və bu çərçivədə Tehran yüksək zənginləşdirilmiş uran ehtiyatlarını təhvil verəcək, əvəzində isə təxminən 20 milyard dollar dondurulmuş vəsaiti azad olunacaq.

Tramp Truth Social platformasında yazıb: “ABŞ böyük B-2 bombardmançılarımızın əməliyyatlarından yaranan bütün ‘nüvə tozunu’ əldə edəcək. Heç bir formada, heç bir şəkildə pul verilməyəcək.”

O həmçinin Livandakı atəşkəsin İranla mümkün razılaşmanın bir hissəsi kimi şərh olunmasının qarşısını almağa çalışıb və bu iki məsələnin bir-biri ilə əlaqələndirilməməli olduğunu vurğulayıb.