İran İnqilab Keşikçiləri Korpusu cümə günü 17 aprel yaydığı bəyanatda atəşkəsin hər hansı pozuntusuna qarşı xəbərdarlıq edib və ölkənin hərbi qüvvələrinin tam hazırlıq vəziyyətində olduğunu bildirib.

Araz News-un məlumatına görə, Ordu günü münasibətilə yayımlanan bəyanatda vurğulanıb ki, “ordu və Sepah hər cür təcavüzkar addıma cavab vermək üçün barmağı tətikdə hazırdır.”

Eyni zamanda, İran xarici işlər nazirinin müavini Səid Xətibzadə Antalya Diplomatiya Forumu çərçivəsində jurnalistlərə bildirib ki, hər hansı atəşkəs bölgədəki bütün münaqişə zonalarını – “Livandan Qırmızı dənizə qədər” – əhatə etməlidir.

O, qısamüddətli atəşkəsləri rədd edərək əlavə edib: “Tehran heç bir müvəqqəti atəşkəsi qəbul etmir və bölgə üzrə müharibənin tam şəkildə sona çatmasını istəyir.”