Livan prezidenti ABŞ-dan ölkədə atəşkəsin təmin edilməsi üçün addım atmağı istəyib və vurğulayıb ki, döyüşlər dayandırılmadan İran müharibəsinin sonu üzrə danışıqlar nəticə verməyəcək.

Araz News-un Reuters-ə istinadən verdiyi məlumata görə, Jozef Aun Donald Trampla telefon danışığında Vaşinqtonun Livandakı müharibəni dayandırmaq üçün təzyiq göstərməsini istəyib. Eyni zamanda Pakistan Xarici İşlər Nazirliyi bildirib ki, Livanda sülh İran müharibəsi ilə bağlı danışıqların uğuru üçün əsas rol oynayır.

Atəşkəs elan olunacağı ehtimalı müzakirə olunsa da, Livanın cənubunda toqquşmalar davam edir və məlumatlara görə hücumlar güclənib, infrastruktur ciddi zərər görüb; bu isə müharibənin sona çatdırılması üzrə diplomatik səylərə ciddi maneə yarada bilər.