Araz News-un Reuters-ə istinadən verdiyi məlumata görə, Türkiyə ABŞ və İran arasında aparılan danışıqlara dəstəyini davam etdirəcəyini açıqlayıb və hər iki tərəfi müharibəni sona çatdırmaq üçün “konstruktiv” yanaşma ilə dialoqa çağırıb.

Türkiyə Müdafiə Nazirliyi yayımladığı bəyanatda bildirib ki, məqsəd mövcud atəşkəsi davamlı razılaşmaya və uzunmüddətli sülhə çevirməkdir.

Eyni zamanda diplomatik mənbələr yaxın günlərdə Pakistanda yeni danışıqlar mərhələsinin keçirilə biləcəyini qeyd edir. Həmçinin Türkiyə, Pakistan, Səudiyyə Ərəbistanı və Misirin xarici işlər nazirlərinin Antalyada keçiriləcək diplomatik görüş çərçivəsində bir araya gəlməsi planlaşdırılır.