Ağ Evin sözçüsü ABŞ-ın İranla razılaşmaya nail olmaq məsələsində nikbin olduğunu və tərəflər arasında birbaşa danışıqların davam etdiyini bildirib.

ArazNews-un məlumatına görə, Karolin Livitt mətbuat konfransında növbəti İran–ABŞ danışıqlarının böyük ehtimalla Pakistanın paytaxtı İslamabadda keçiriləcəyini deyib. O həmçinin vurğulayıb ki, bəzi xəbərlərin əksinə olaraq Vaşinqton atəşkəsin uzadılması tələbini irəli sürməyib.

Livitt əlavə edib ki, Hörmüz boğazında dəniz mühasirəsi İran limanlarına daxil olan və ya oradan çıxan gəmilərə tətbiq olunur. Bununla yanaşı, ABŞ qeyri-İran limanlarına doğru hərəkət edən gəmilər üçün dəniz nəqliyyatının azadlığını dəstəkləyir.