Araz News-un məlumatına görə, İsrail ordusu rəsmi X hesabında bildirib ki, Sepah-ın neft qərargahının yüksək rütbəli komandirlərindən olan Məhəmmədreza Əşrəfi-Qehi Tehrana edilən hava hücumu zamanı hədəf alınıb və öldürülüb.

Bu iddiaya əsasən, o, qurumun kommersiya fəaliyyətlərinə cavabdeh olub və İsrail ordusunun bildirdiyinə görə, neft satışı və sanksiyaların aşılması yolu ilə Sepah-ın hərbi fəaliyyətləri üçün maliyyə təmin edirmiş.

İsrail ordusu həmçinin iddia edib ki, bu struktur raket və pilotsuz uçuş aparatları proqramlarının, eləcə də bölgədə İrana bağlı qüvvələrin maliyyələşdirilməsində mühüm rol oynayır.

Bu məlumatlar ötən həftə də bu sahə ilə əlaqəli başqa bir məsul şəxsin öldürüldüyü xəbərlərinin yayılmasından sonra açıqlanıb.