ArazNews-un Reuters-ə istinadən verdiyi məlumata görə, Yaxın Şərqdə davam edən müharibə və bazarlardakı dalğalanmalar fonunda böyük qlobal banklar Çin fond bazarına yönəlir.

Məlumata görə, Hörmüz boğazının bağlanması və neft qiymətlərinin artması dünya maliyyə bazarlarına təzyiq göstərib və bir çox ölkədə birja indekslərinin düşməsinə səbəb olub.

Bu şəraitdə JP Morgan və HSBC kimi banklar Çinin Körfəz enerjisindən daha az asılı olması və nisbətən sabit iqtisadi vəziyyətinə görə bu bazarı daha əlverişli hesab edir.

Statistik göstəricilərə görə, Şanxay birja indeksi cari ayda Cənubi Koreya və Yaponiya kimi digər Asiya bazarlarına nisbətən daha az eniş yaşayıb.

Analitiklər hesab edir ki, müharibə davam edərsə, Çin bazarının nisbi üstünlüyü daha da güclənə bilər.