ABŞ hökuməti İsraildən İranın enerji obyektlərinə, xüsusilə də neft infrastrukturlarına qarşı əlavə hücumlar həyata keçirməməsini istəyib.

ArazNews-un Axios-a istinadən verdiyi məlumata görə, bu mesaj ABŞ administrasiyasının yüksək səviyyəli rəsmiləri tərəfindən İsrailə çatdırılıb və İsrail ordusunun Baş Qərargah rəisi Eyal Zamirə də bildirilib. Mənbələrə görə, Vaşinqton bu tələb üçün üç səbəb göstərib: belə hücumların İran əhalisinə zərər vurması, müharibədən sonra ABŞ-ın İranın neft sektoru ilə mümkün əməkdaşlıq ehtimalı və İranın körfəz ölkələrinin enerji infrastrukturuna genişmiqyaslı cavab hücumları ehtimalı.

Vaşinqtonda həmçinin narahatlıq var ki, İranın neft obyektlərinə hücumların davam etməsi qlobal neft qiymətlərində kəskin artıma və regionda münaqişənin genişlənməsinə səbəb ola bilər. Bəzi ABŞ rəsmiləri bildiriblər ki, ABŞ prezidenti Donald Tramp İranın enerji infrastrukturuna hücumu “apokaliptik” seçim hesab edir və bunun yalnız İranın Xələc Bəsrə bölgəsindəki neft obyektlərinə birbaşa hücumu halında gündəmə gəlməli olduğunu düşünür.