Brüsseldə İslam Respublikasına qarşı keçirilən etiraz aksiyası zamanı Güney Azərbaycanın mübarizə bayraqları digər etiraz rəmzləri ilə yanaşı dalğalandırıldı.

"Araz News"un məlumatına görə, bu gün, fevralın 14-də Belçikanın Brüssel şəhərində İslam Respublikasına qarşı təşkil olunan etiraz aksiyası ilə eyni vaxtda, Güney Azərbaycan fəalları öz milli bayraqlarını qaldıraraq bu toplantıda iştiraklarını göstərdilər.

Bu aksiya daxili basqılara etiraz etmək və İran hakimiyyətinə qarşı siyasi və diplomatik təzyiqlərin artırılması tələbi ilə keçirildi. Toplantıda bir çox fəallar və müxalif qruplar da iştirak edirdi.

Siyasi ekspertlərin fikrincə, belə toplantılarda hazırkı İran coğrafiyasında yaşayan müxtəlif millətlərin rəmzlərinin və bayraqlarının nümayiş etdirilməsi, qeyri-fars millətlərin gələcək siyasi dəyişikliklərdəki rolunu, habelə onların kimlik və milli tələblərini vurğulayır.