اخبار ویژه:

ساز، سئوگی و وطن – داوود توران

آراز نیوز: زامان آخیب گئدیر و بیز هرگون یئنی ده یرلر قازانیرکن الیمیزده اولان ده یرلر ده آنیدن اوچوب گئدیرلر. اونون اوچون دئییرم الیمیزده اولان ده یرلرین قدرینی بیلمه لییک. اونلار بیزي بیز ائدن فاکتورلردیر. بیزی دوشونسل و آنلاملی قیلان و وارليغيميزي بيرلشدیرن ده یرلر بیز فرقینده اولمادان گئدیش خبرلری ایله سارسیلیریق.

زامان آخیب گئدیر و بیز هرگون یئنی ده یرلر قازانیرکن الیمیزده اولان ده یرلر ده آنیدن اوچوب گئدیرلر. اونون اوچون دئییرم الیمیزده اولان ده یرلرین قدرینی بیلمه لییک. اونلار بیزی بیز ائدن فاکتورلردیر. بیزی دوشونسل و آنلاملی قیلان و وارلیغیمیزی بیرلشدیرن ده یرلر بیز فرقینده اولمادان گئدیش خبرلری ایله سارسیلیریق.

بو ده یر لریمیزده ن بیریسی ده کئچن گون آرامیزدان آیریلان آشیق غافار ابراهیمی ایدی. اونونلا قوهوملوغوم سببی ایله تانیش اولدوم. حیاتینی سازا و سؤزه آدامیش بیر اوزانیمیز ایدی. آزربایجان ایله یاشادی و ائل اوغلو تخلصی ایله مدرن چاغیمیزدا بیزه یئنیدن آشیق هاوالارینی سئودیردی.

اونو سازسیز هئچ بیر زامان گؤرمه دیم. او دا بیلیردی سازسیز اوزان اولماز. هز زامان هر یئرده سازی یانیندا ایدی. تعطیله و قوناقلیقلارا سازینی آلمادان گئتمزدی. سازی ایله نفس آلیردی. سازی سئوگی و وطن قوخوردو. شئعرلرینده وطنسیز و سئوگیسیز بیر بیت و یا مصراع تاپماق چتیندیر.

اوزانیمیز آنسیزین اوچدو چوخ اوزاقلارا و بیزه میراث اولاراق سؤزلری و بیر گنج میللی اوزانیمیز آشیق حجت-ی بوراخدی. و بیز بوندان سونرا اونون سؤزلری و خاطیره لری ایله یاشایاجاییق.

دیدگاه خود را ثبت کنید.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

این سایت از اکیسمت برای کاهش هرزنامه استفاده می کند. بیاموزید که چگونه اطلاعات دیدگاه های شما پردازش می‌شوند.

آخرین اخبار