آراز نیوز

ارگان خبری تشکیلات مقاومت ملی آزربایجان

دیرنیش
سه شنبه ۲۹ام اسفند ۱۴۰۲
شما اینجا هستید: / خبر / آزربایجان / آزربایجانلی شاعر شهریارین وفات گونو فارسجا شعر و ادبیات گونو آدی ایله قوتلانیر!

تورکجه خبر:

آزربایجانلی شاعر شهریارین وفات گونو فارسجا شعر و ادبیات گونو آدی ایله قوتلانیر!

سه شنبه شهریور آیی نین 27 آزربایجان شاعری محمدحسین شهریارین وفاتین‌دان ۲۹ ایل اؤتور. ۱۹۰۶-جی ایلده تبریزده آنادان اولان شاعرین اصل آدی سید محمدحسین بهجت تبریزی دیر.

آزربایجانلی شاعر شهریارین وفات گونو فارسجا شعر و ادبیات گونو آدی ایله قوتلانیر!
20 سپتامبر 2018 - 18:20
کد خبر: ۴۶۸۲۵
تحریریه آرازنیوز

سه شنبه شهریور آیی نین ۲۷ آزربایجان شاعری محمدحسین شهریارین وفاتین‌دان ۲۹ ایل اؤتور. ۱۹۰۶-جی ایلده تبریزده آنادان اولان شاعرین اصل آدی سید محمدحسین بهجت تبریزی دیر. آتاسی تبریزین مشهور وکیللریندن حاجی میر آغا خوشگنابی، آناسی ایسه کؤکب خانیمدیر. شهریارین اوشاقلیق ایللری تبریزده‌کی مشروطه حرکاتی دؤورونه تصادف ائدیب. ائله بو قاریشیق‌لیقلار سببیله آتاسی عائله‌نی آتا-بابا یوردلاری اولان حیدربابا داغینین اتیینده‌کی خوشگناب کندینه آپاریر.

شهریارین اوشاقلیغی دا بو کندده کئچیر. ایلک تحصیلینی خوشگناب کندینده «حیدربابایا سلام» پوئماسیندا دا آدینی چکدیی موللا ایبراهیمدن آلیر. اورتا مکتبی تبریزده اوخویور. آنا دیلیله یاناشی عرب، فارس، فرانسیز دیللرینی ده بیلیر. چوخ گؤزل تار چالیر. ۱۹۲۲-جی ایلده طب فاکولته‌سینه داخیل اولور. لاکین فاکولته‌نی بیتیرمه‌دن آیریلماق مجبوریتینده قالیر.

طلبه اولدوغو ایللرده بیر قیزا عاشیق اولور. شهریار آدینی و وظیفه‌سینی دئمک ایستمدیی گوجلو بیر شخصله اوز-اوزه گلدیینی گؤرور. او، گنج طلبه‌نی توتدوراراق زیندانا آتدیریر، تهران‌دان چیخیب گئدرسه، اونون گوناهیندان کئچجیینی بیلدیریر. بئله‌لیکله، شهریار نیشابورا سورگون اولونور.

شهریار ۱۳۶۷-جی ایل شهریورین ۲۷-ده تبریز واختی ایله سحر ساعت ۶:۴۵-ده مهر خسته خاناسیندا اورک چاتیشمازلیغین‌دان وفات ائدیر. ۲۹ شهریورده ارک قالاسیندا قیلینان جنازه نامازیندان سونرا وصیتینه اساساً تبریزین سرخاب محله‌سین‌ده‌کی مقبرت الشعرادا (شاعرلر قبیرستان‌لیغی) دفن اولونور. شهریارین خاطره‌سینه او گون تبریزده هئچ بیر ماغازا آچیلمیر و بوتون خالق قارا گئیینیر.

تهران دولتی ۱۳۸۱-جی ایل ده محمدحسین شهریارین وفات ائتدیی گونو گونئی آزربایجانلی بیر ملت وکیلی نین اؤنریسی ایله «ایران شعر و ادب گون» آدلاندیریر. آنجاق دارباخیشلی سویچو پان فارسلارین اعتراضیندان دولایی ۱۳۸۲جی ایلدن بو آد «فارسجا شعر و ادب گونو»نه دگیشیلدی. اونلار، ایران کلمه‌سی آلتیندا فارس اولمایان دیللرده بو گونو قوتلایا بیلمسینلر دئیه بو آدی دگیشدیلر.

هیچ دیدگاهی برای این مطلب ثبت نشده است

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

این سایت از اکیسمت برای کاهش هرزنامه استفاده می کند. بیاموزید که چگونه اطلاعات دیدگاه های شما پردازش می‌شوند.

روی خط خبر