چهارشنبه ۲۳ آبان ۱۳۹۷

اخبار ویژه:

تورکجه خبر:

«تورکجه کیتاب آلماق» کمپینی گونو گوندن بؤیومکده دیر

آراز نیوز: گونئی آزربایجانین ملی مدنی فعاللاری، تورکجه یازارلاری، یایینچیلاری و شاعیرلری تورک دیلیندن حمایت اوچون  مدرسه لرین آچیلیشی مناسبتی ایله «تورکجه کیتاب آلماق» کمپینینی باشلاتدیلار.  بو کمپین تراختور تیمی نین میلیونلوق طرفدارلاری و گونئی آزربایجانین تورک میللتینی مخاطب آلاراق یولا سالینیبدیر.

گونئی آزربایجانین ملی مدنی فعاللاری، تورکجه یازارلاری، یایینچیلاری و شاعیرلری تورک دیلیندن حمایت اوچون  مدرسه لرین آچیلیشی مناسبتی ایله «تورکجه کیتاب آلماق» کمپینینی باشلاتدیلار.  بو کمپین تراختور تیمی نین میلیونلوق طرفدارلاری و گونئی آزربایجانین تورک میللتینی مخاطب آلاراق یولا سالینیبدیر.

یئرلی قایناقلاردان گلن راپورلارا گؤره، کمپینین ایچه ریک باشلیغی بو جمله ایله باشلامیشدی: «یونسکو تشکیلاتی‌نین تعریفینه گؤره اؤز دیلینده یازیب اوخویا بیلمه‌ین کیمسه ساوادسیزدیر».  بو بیلدیری نین آردیندا ایسه  گونئی آزربایجان تورک ملتی و تراختور تیمی نین میلیونلوق طرفدارلارینا خطاب بو جمله لر یازیلیبدیر: «قاجار حکومتی نین ییخیلیشی و پهلوی فاشیستلری نین ایش اوستونه گلمه لری ایله بیرگه، تورک دیلی سوز ایلدیرکی ایران دا یاساقلانیبدیر. گونوموزده ایران اسلام جمهوریتینین، آنایاساسیندا گئچن اون بئشینجی ماده، کی آنا دیلینده ائگیتیم آلماغلا ایلگیلیدیر، ایجرا اولونمور. بو باسقیلار و عدالت سیزلیکلر ایران دا یاشایان ۴۰ میلیون تورکون ناراضیلیغینا سبب اولوبدور. مدرسه لرده تورکجه تحصیل آلماق، ایران دا یاشایان تورکلرین ان بویوک ایستگی دیر. نئجه کی تراختور اویونلاریندا هر یئرده اولورسا اولسون، اویونون ایلک ۱۵ دقیقه سی، تورک دیلینده مدرسه اولمالی دیر هرکسه و اون بئشینجی اصلین ایجرا اولونماسی شعارلاریلا باشلاییر». بو بیلدیرده میللی فعاللار و تراختور طرفدارلاری، ایرانین جمهور باشقانی حسن روحانی نین یالان وعده لرینه توخوناراق، اورمو گؤلونون احیا اولونماماسی و تورک دیلی فرهنگیستانینی تاسیس ائتممه سینه اعتراضلارینی بیلدیریبلر. اونا گؤره مدرسه لرین آچیلیشی سبب ایله  تورکجه کیتاب آلماق کمپینینی یولا سالیبلار و گونئی ازربایجان تورک میلتی و تراختور طرافدارلاریندان بو کمپینه قوشولمالارینی ایسته ییبلر.

 بو کمپینده هر کس بیر تورکجه کیتاب آلیرسا اگر، تورک دیلینده ائگیتیم (تحصیل) آلماغین اؤنمین وورغولایاجاقدیر. آیریجا ایرانین باشاباسیندا تورکجه کیتابچی لارین آدرس و تلفن نمره لری ده سانال دنیادا و یئرلی مئدیالاردا یاییلیبدیر. بیر چوخ آزربایجانلی کولتورل چالیشقانلارین گؤروشونده بو کمپین تورکجه کیتاب یاییم و ساتیش ائولری نین باغلانماغینا دا مانع اولابیلر.

دیدگاه خود را ثبت کنید.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

This site uses Akismet to reduce spam. Learn how your comment data is processed.

آخرین اخبار