«تبریز آراشدیرمالاری انستیتوسو» باشقانی سایین دوکتور محمدرضا هیئت «آذربایجان میلی دیرنیش تشکیلاتی»‌نین ۲۰-جی قورولوش ایل دؤنومو ایله باغلی تبریک ساوی یایینلامیشدیر.

ساوین‌ متنی آشاغیدا‌کی کیمیدیر؛

آذربایجان میلّی دیرنیش تشکیلاتی‌نین حؤرمتلی یؤنه‌تیجیلری

قورولوشونوزون ۲۰-جی ایل دؤنومو مناسیبتی ایله سیزی اورکدن تبریک ائدیرم.

گونئی آذربایجان‌ین قارشی-قارشییا قالدیغی بو ائنیشلی-یوخوشلو تاریخی سورجده، بوتون چتینلیکلره باخمایاراق، سیاسی بیر تشکیلات و اونا باغلی مدیا اولاراق ۲۰ ایللیک بیر فعالیتی آراسی کسیلمه‌دن و سورکلی‌لیک منطیقی چرچیوه‌سینده حیاتا گئچیرمه‌نیز، تقدیره لایقدیر.

گونئی آذربایجان‌ین میلّی چیخارلاری‌نین قورونماسی و حاقلی طلبلری‌نین سسلندیریلمه‌سی‌نین هر زاماندان داها چوخ اؤنم داشیدیغی بو گونلرده، سیاسی تشکیلاتلاریمیزین اوزرینه بؤیوک بیر سوروملولوق دوشمکده‌دیر. بو سوروملولوغون بیلینجی ایله حرکت ائدن بوتون سیاسی تشکیلاتلاریمیزا، اؤزللیکله ده قورولوشونون ۲۰-جی ایل دؤنومو قید اولونان دیرنیش تشکیلاتینا باشاریلار دیله‌ییرم.

میلّتیمیزین و وطنیمیزین اؤزگورلویو اومودو و گوجون بیرلیکدن دوغدوغو اینانجی ایله یولونوزون آچیق اولماسینی آرزو ائدیرم.

دوکتور محمدرضا هیئت

تبریز آراشدیرمالاری انستیتوسو باشقانی