ABŞ Mərkəzi Hərbi Komandanlığı (Sentkom) bildirib ki, Hörmüz boğazı bu beynəlxalq su yolundan qanuni keçid etmək istəyən bütün gəmilərə açıqdır.
Sentkom vurğulayıb ki, bölgədə yerləşən ABŞ qüvvələri İranın «əsassız təcavüzkarlığına, təhdidlərinə və özbaşına bəyannamələrinə» baxmayaraq gəmiçilik azadlığını təmin etməyə hazırdır. Komandanlığın açıqlamasına görə, İran boğazın nəzarətini əlində saxlamır və gəmilərin tranziti davam edir.
Sentkomun statistikasına əsasən, ABŞ qüvvələri son iki ay ərzində 800-dən çox gəminin keçişini və bu su yolu ilə 400 milyon barreldən çox xam neftin daşınmasını təmin edib. Son yeddi gün ərzində isə 140-dan artıq gəmi Hörmüz boğazından keçib.
