BMT baş katibi İran və ABŞ arasında atəşkəsin uzadılmasını alqışlayıb və bunu diplomatiyanın irəliləməsi üçün imkan kimi dəyərləndirib.

ArazNews-un məlumatına görə, Associated Press-ə istinadən, BMT baş katibi Antonio Quterreş bildirib ki, atəşkəsin uzadılması gərginliyin azaldılması istiqamətində mühüm addımdır.

BMT sözçüsü Stefan Düjarrik deyib ki, bu qərar tərəflər arasında diplomatiya və etimadın qurulması üçün vacib imkan yarada bilər.

O, həmçinin bütün tərəfləri atəşkəsi zəiflədə biləcək addımlardan çəkinməyə və davamlı həllə nail olmaq üçün danışıqlarda konstruktiv iştirak etməyə çağırıb.

Düjarrik əlavə edib ki, BMT baş katibi Pakistanın İran və ABŞ arasında danışıqları asanlaşdırmaq səylərini tam dəstəkləyir və bu təşəbbüslərin davamlı və hərtərəfli razılaşmaya gətirib çıxaracağına ümid edir.