İsrailin baş naziri Binyamin Netanyahu Livanın cənubunda baş verən insidentlə bağlı araşdırmanın başlandığını açıqlayıb və hadisəni “sarsıdıcı” kimi qiymətləndirib.

ArazNews-un məlumatına görə, Netanyahu X platformasında paylaşımında İsrail ordusunun ehtiyatda olan bir əsgəri tərəfindən xristian dini heykəlinin dağıdılmasını pisləyib.

O yazıb ki, bu hadisədən “təəccübləndiyini və kədərləndiyini” hiss edir və vurğulayıb ki, bu addım İsrailin dini dözümlülük dəyərləri ilə ziddiyyət təşkil edir.

Netanyahu bildirib ki, hərbi qurumlar bu hadisə ilə bağlı araşdırmaya başlayıb və məsul şəxsə qarşı “sərt intizam tədbirləri” görüləcək.

İsrail ordusu da daha əvvəl açıqlamışdı ki, insident şimal komandanlığı tərəfindən araşdırılır və komanda zənciri vasitəsilə izlənir.

Netanyahu əlavə edib ki, ölkəsində ibadət azadlığı qorunur və bu hadisənin xristian icması üçün nəticələrindən təəssüf edir.