Avropa ölkələri Hörmüzdə gəmi təhlükəsizliyini təmin etməyə hazırdır

Araz News-un Reuters-ə istinadən verdiyi məlumata görə, Fransa müdafiə naziri bildirib ki, Belçika, Niderland və Fransa daxil olmaqla Avropa ölkələri Hörmüz boğazında minaların təmizlənməsi və gəmi hərəkətinin təhlükəsizliyinin təmin edilməsi üçün lazımi imkanlara malikdir.

Katrin Votren TF1 kanalına müsahibəsində qeyd edib ki, bu ölkələr gəmilər üçün dəniz müşayiəti (eskort) xidməti göstərə bilər; onun sözlərinə görə, bu addım “tamamilə qeyri-hücum xarakteri daşıyır” və təhlükəsiz keçidin təmin olunmasına yönəlib.

Fransa və Böyük Britaniyanın təşəbbüsü ilə təxminən 40 ölkənin iştirakı ilə keçiriləcək iclasda Hörmüz boğazında gəmiçiliyin azadlığının bərpasında rol bölgüsü müzakirə olunacaq.

Hörmüz boğazı dünyanın strateji marşrutlarından biridir və qlobal neft və mayeləşdirilmiş qaz daşımalarının təxminən 20 faizi bu marşrutdan keçir.