İran parlamentinin sədri Məhəmmədbaqir Qalibaf ABŞ ilə İslamabadda keçirilən son danışıqların nəticəsiz başa çatdığını açıqlayıb.

ArazNews-un məlumatına görə, o, “X” sosial şəbəkəsində yazıb ki, İran danışıqlara “yaxşı niyyət və siyasi iradə” ilə daxil olub, lakin “keçmiş təcrübələr və iki əvvəlki müharibə” səbəbilə qarşı tərəfə etimad formalaşmayıb.

Qalibaf iddia edib ki, 21 saat davam edən danışıqlar zamanı İran heyəti prosesin irəliləməsi üçün “168 təşəbbüs təklifi” irəli sürüb, lakin ABŞ tərəfi Tehranın etimadını qazana bilməyib və nəticədə razılaşma əldə olunmayıb.

O əlavə edib ki, “güc diplomatiyası” hərbi potensialla yanaşı İranın əsas strategiyası olaraq qalır və Tehran əldə etdiyi mövqelərdən geri çəkilməyəcək.