İsrail müxalifət lideri son hücumları dəstəkləyərək bu əməliyyatı “ədalətli müharibə” adlandırıb və Tehranın raket və nüvə proqramlarının hədəfə alınmasının zəruriliyini vurğulayıb.

ArazNews-un Reuters-ə istinadən verdiyi məlumata görə, İsrail müxalifət lideri Yair Lapid İranə qarşı həyata keçirilən hücumları “ədalətli müharibə” adlandıraraq Benyamin Netanyahunun qərarını dəstəklədiyini bildirib və mövcud şəraitdə daxili siyasi ixtilafları kənara qoyduqlarını vurğulayıb. O, İsrailin “mövcudluq təhdidi” kimi qiymətləndirdiyi vəziyyət qarşısında birlik nümayiş etdirəcəyini deyib.

Lapid ABŞ-ın əməliyyatlardakı roluna təşəkkür edərək İranın raket və nüvə proqramlarının tamamilə aradan qaldırılmalı olduğunu bildirib. Bu açıqlamalar ABŞ və İsrailin İrana qarşı birgə hücumlarının regionda gərginliyi artırdığı və qarşılıqlı raket zərbələrinə səbəb olduğu bir vaxtda səsləndirilib.

İsrail müxalifət lideri ölkəsinin hərbi gücünə işarə edərək İsrailin uzunmüddətli münaqişəyə hazır olduğunu iddia edib və İranın isə belə bir müharibəyə tab gətirə bilməyəcəyini söyləyib. Bu mövqe İsraildə qarşıdan gələn seçkilər ərəfəsində əsas siyasi qüvvələr arasında İran məsələsində nisbi konsensusun formalaşdığını göstərir.