آراز نیوز

ارگان خبری تشکیلات مقاومت ملی آزربایجان

دیرنیش
چهارشنبه ۲۶ام تیر ۱۳۹۸
آخرین عناوین
شما اینجا هستید: / خبر / ایران / آمریکانین نظامی گوجلری ایرانین هده‌لرینه قارشی نظامی مانور کئچیرجک

تورکجه خبر:

آمریکانین نظامی گوجلری ایرانین هده‌لرینه قارشی نظامی مانور کئچیرجک

آمریکانین دنیز قوه لری سپتامبر آییندا کورفز و آل‌دنیز دن کئچن گمی‌لرین گوونلیکلرینی ساغلاماغا حاضیر اولدوقلارینی گوسترمک اوچون نظامی مانور گرچکلشدیرجک.

آمریکانین نظامی گوجلری ایرانین هده‌لرینه قارشی نظامی مانور کئچیرجک
۲۲ شهریور ۱۳۹۷ - ۱۷:۰۷
کد خبر: ۴۶۶۸۳
تحریریه آرازنیوز

آمریکانین دنیز قوه لری سپتامبر آییندا کورفز و آل‌دنیز دن کئچن گمی‌لرین گوونلیکلرینی ساغلاماغا حاضیر اولدوقلارینی گوسترمک اوچون نظامی مانور گرچکلشدیرجک.

بلومبرگ خبرآژانسی‌نین وئردیگی معلوماتا گوره آمریکانین بئشینجی ناوگانینین فرماندهی یکشنبه گونو شهریورین ۱۸ ایرانی منطقه ده کی فعالیتلری و حوثی شورشی لریندن حمایت ائتمگیندن دولایی منطقه نین ثبات سیزلاشماسینا ندن اولدوغو اوچون سوچلادی.

دریا سالار اسکات استرنی بحرین ده کی بئشینجی ناوگانین مقرینده خبر چیلره بئله دئدی :« آمریکا بیرلشمیش ایالتلرینین دنیز قوتلری سپتامبر آیندا کورفز و آل دنیز سولاریندا گل گئت لرین آزادلیغینی تضمین ائتمک لرینه حاضیر اولدوقونو گوسترمک اوچون بیر نظامی مانورون گرچکلشدیرمه سین ایسته ییر.»

آمریکانین مانوری دنیا و منطقه ده اولان متحد لرینین اشتراکی ایله  دنیز مین لری ایله مقابله ائتمک و دنیز لرین گوونلیغین ساغلاماق اوچون گرچکلشه جکدیر.

آمریکانین تحریم لرینین ایکینجی دوری ، ایرانین نفت صادراتین صفره اندیرمک مقصدیله آبانین ۱۳ نده اعمال اولاجاقدیر . ایرانین جمهور باشقانی حسن روحانی تیر اینین ۱۱ ده هرمز بوغازینی باغلاماقلا هده له‌ییب« معنی سی یوخدور ایرانین نفتی صادر اولماسین و منطقه نین نفتی صادر اولسون » دئدی. اسلام جمهوریتینین رهبری علی خامنه ای ده اؤز حمایتینی بو سؤزلردن بیلدیریب بو ٰتهران رژیمی نین گرچک سیاستی دیر دئیه آچیقلادی هابئله سپاه قدس قوه لرینین فرماندهی قاسم سلیمانی ده بیر مکتوبدا هرمز بوغازی نین باغلاماغینا حاضیر اولدوقلارینی آچیقلادی.

باشقا بیر طرفدن سپاه پاسداران مردادین ۱۲-ده رسانه ای ائتمه دن کورفزده بیر نظامی مانور کئچیرتمگه چالیشدی.

آمریکانین نظامی فرمانده لری ایکی گون اونجه دن بو مانور دان خبر وئرمیشدیلر. بو مانور دا ایرانین بیر قیسا منزللی ضد ناو فوزه سی فاتح ۱۱۰ نوعین دن تست ائتمه سینی اعلام ائتدیلر . سپاه پاسداران ایکی گون سونرا بو مانورون کئچیریلمسین تایید ائتدی.

آرتیرمالی دیر کی آمریکا دنیزقوتلرینین بئشینجی ناوگانی نین فرماندهی آمریکا و اونو متحد لرینین مشترک مانور لارینین بیرین آل دنیزین گونئی طرفینده باب المندبه مشرف اولان جیبوتی ده گئچیریله جگین آچیقلادی.

هیچ دیدگاهی برای این مطلب ثبت نشده است

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

این سایت از اکیسمت برای کاهش هرزنامه استفاده می کند. بیاموزید که چگونه اطلاعات دیدگاه های شما پردازش می‌شوند.

روی خط خبر