Araz News-in Tasnim-ə istinadən verdiyi məlumata görə, İslam Respublikası ilə ABŞ arasında mümkün ilkin anlaşma çərçivəsində Vaşinqtonun danışıqlar müddətində İranın neft sanksiyalarını dayandıraraq Tehranın məhdudiyyətsiz neft ixracına imkan verməsi müzakirə olunur.
Məlumata görə, Tehran həmçinin razılaşmanın ilkin mərhələsində bloklanan maliyyə vəsaitlərinin bir hissəsinin azad edilməsini tələb edir və bunun mümkün anlaşmanın əsas şərtlərindən biri olduğunu bildirir.
Tasnim iddia edir ki, mümkün anlaşma Livan da daxil olmaqla bütün cəbhələrdə qarşıdurmaların dayandırılmasını, Hörmüz boğazı böhranı və nüvə danışıqları üçün ayrıca zaman mərhələlərinin başlanmasını nəzərdə tutur.
Bu mediaya görə, Hörmüz boğazının statusu müharibədən əvvəlki vəziyyətə tam qayıtmayacaq və Tehran bu strateji keçid üzərində təsir və “suverenlik haqqı” iddiasını qorumaqda israrlıdır.
