آراز نیوز

ارگان خبری تشکیلات مقاومت ملی آزربایجان

دیرنیش
پنج شنبه ۹ام فروردین ۱۴۰۳
شما اینجا هستید: / بیانیه / م.د.ح.پ گونئی آذربایجان دئپارتامئنتینین کورد تئرروریستلرینین آذربایجانا قارشی یئرسیز تورپاق ادعالاری ایله باغلی بیانات یاییب

م.د.ح.پ گونئی آذربایجان دئپارتامئنتینین کورد تئرروریستلرینین آذربایجانا قارشی یئرسیز تورپاق ادعالاری ایله باغلی بیانات یاییب

م.د.ح.پ گونئی آذربایجان دئپارتامئنتینین کورد تئرروریستلرینین آذربایجانا قارشی یئرسیز تورپاق ادعالاری ایله باغلی بیانات یاییب
23 ژانویه 2014 - 22:36
کد خبر: ۶۲۸۲
تحریریه آرازنیوز

بیانات‌دا بیلدیریلیر: حؤرمت‌لی سویداشلار،عزیز هموطنلر:

کورد تئرروریستلرینین آذربایجانا قارشی یئرسیز تورپاق ادعالاری گئتدیکجه یئنی فورمادا اؤزونو گؤسترمکده‌دیر. سون زامانلاردا پ.ک.ک تئرروریستلرینین پلانلی شکیلده گونئی آذربایجانین قرب بؤلگه‌سینه کوتلوی آخین ائتمه‌سی، آذربایجان اراضیسینده کوردوستان ویلایتی یاراتماق جهدلری بیر داها کورد تئرروریستلرین آذربایجانا قارشی پیس نیتینین درینلیین‌دن خبر وئریر.

سون زامانلار شیمالی عراق‌دا قورولان قوندارما کوردوستان حکومتی اؤزلرینین تئلئویزییاسین‌دا و متبوع اورقانلارین‌دا «بؤیوک کوردوستان» خریطه‌سینی تبلیغ ائد‌رک گونئی و قوزئی آذربایجان اراضیلرینین بیر چوخ حیصه‌سینی تاریخی کورد تورپاقلاری کیمی تقدیم ائدیرلر.

همین خریطه ده اورمییه، سولدوز، سایین قالا، قوشاچای، سالماس، خوی، ماکی، پولدشت، ناخچیوان و قاراباغین لاچین، قوبادلی، زنگیلان، کلبجر و ایندیکی ائرمنیستان آدلانان تاریخی آذربایجان تورپاقلاری اولان گؤیچه، زنگه زور و وئدیباسار بؤلگه‌لرینی «کوردوستان» اراضیلری اولدوغونو ایدیعا ائدیرلر.

آذربایجان اراضیلرینی اینضیباطی بؤلگو آدی آلتیندا پارچالاماغا چالیشان ایران رئژیمی کورد تئرروریسترینه وئردیکلری دستک حسابینا اونلاری ائله جسارتلندیریبدیر کی، آرتیق ایران پارلامئنتینده تمثیل اولونان کورد اصیللی وکیللر شیمالی عراق‌دا آنتی تورک گوجلرین حمایه‌سیله قورولان قوندارما کورد حکومتینه گووه‌نه‌رک آذربایجانین اراضیلری حسابینا یئنی کورد ویلایتی قورماغی بئله دیله گتیریرلر و بو یئرسیز ادعالارا ایران رئژیمینین بعضی وظیفه‌لی شخصلری ده دستک وئریر. بوتون بو کیمی، اولایلاری دقته آلاراق بیز آذربایجان تورکلری بو هسساس دؤنه‌م‌ده آییق اولمالی و دوشمانلاریمیزین آپاردیقلاری بو تهلوکه‌لی فعالیتین قارشی‌سینی کسکین شکیلده آلمالیییق. دوشمنلریمیز بیلمه‌لی‌دیر کی، از‌لی آذربایجان اراضیلرین‌ده کوردلرشدیرمه سیاستی هئچ بیر حال‌دا باش وئرمییه‌جک و بیز آذربایجان تورکلری اولاراق اونلارین آپاردیقلاری بو سیاستین قارشیسینی آلاراق تاریخ بویو قورودوغوموز از‌لی تورماقلاریمیزا صاحب چیخاجاییق.

میللی دیرچَلیش حرکاتی پارتییاسی گونئی آذربایجان دئپارتامئنتی کورد تئروریستلرینه و ایران رئژیمینه خبردارلیق ائد‌رک بیان ائدیریک کی، بو کیمی چیرکین پلانلارین گئرچکلشدیریلمه‌سینه قطعی اولاراق یول وئرمییه جک و بوتون ایمکانلاردان ایستیفاده ائد‌رک میللتیمیزین میللی ایراده‌سینی سفربر ائد‌رک وطنیمیزه قارشی یؤنه‌لن ایستلینن هوجوملارین قارشی‌سینی آلماق گوجونه مالیکیک.

م.د.ح.پ گونئی آذربایجان دئپارتامئنتی عوموم میللی مسئله‌لرده بوتون دونیا آذربایجان‌لیلارینی میللی همرای‌لیگیه دعوت ائدیر.

حؤرمتله:

م.د.ح.پ گونئی آذربایجان دئپارتامئنتی

هیچ دیدگاهی برای این مطلب ثبت نشده است

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

این سایت از اکیسمت برای کاهش هرزنامه استفاده می کند. بیاموزید که چگونه اطلاعات دیدگاه های شما پردازش می‌شوند.

روی خط خبر