آراز نیوز

ارگان خبری تشکیلات مقاومت ملی آزربایجان

دیرنیش
پنج شنبه ۲۶ام فروردین ۱۴۰۰
آخرین عناوین
شما اینجا هستید: / تورکجه / تورکیه‌ده هلیکوپتر دوشدو؛ ۱۱ عسگر شهید اولدو

تورکیه‌ده هلیکوپتر دوشدو؛ ۱۱ عسگر شهید اولدو

تورکیه‌ده هلیکوپتر دوشدو؛ ۱۱ عسگر شهید اولدو
4 مارس 2021 - 23:01
کد خبر: ۵۸۴۷۹
تحریریه آرازنیوز

تورکیه‌ده بین‌گؤل‌دن قالخان هلیکوپتر ایله ارتباط، تورکیه ساعاتی ایله ۱۴:۲۵ده کسیلدی.

بیتلیس‌ده بیر حربی هلیکوپترین قضایا اوغراییب دوشمه‌سی نتیجه‌سین‌ده ۱۱ عسگر شهید اولدو.

میلی ساوونما باخانلیغینین یاییملادیغی آچیقلامایا گؤره، بین‌گؤل‌دن قالخان هلیکوپتر ایله ارتباط، تورکیه ساعاتی ایله ۱۴:۲۵ده کسیلدی.

آختارما قورتارما چالیشمالارین‌دا، هاوا شرطلری سببی ایله دوشن دیک‌اوچاردا ۱۱ عسگرین شهید اولدوغو و ۲ عسگرین یارالاندیغی بللی اولدو. یارالی عسگرلر خسته‌خانایا آپاریلدی و معالیجه آلتینا آلیندی.

میلی ساوونما باخانی حولوصی آکار، هلیکوپتر قضاسینی آراشدیرماق اوچون باش قرارگاه باشقانی یاشار گولر ​​و قورو قوشونلاری قوموتانی اومید دوندار ایله بؤلگه‌یه گئتدی.

میلی ساوونما یاخانلیغین یاییملادیغی آچیقلامادا اؤنجه ۹ عسگرین شهید اولدوغو بیلدیریلمیش، داها سونرا شهید ساییسینین ۱۱ نفره یوکسلدیگی قید ائدیلدی.

جومهورباشقانلیغی ایله‌تیشیم باشقانلیغیندان یاپیلان آچیقلامادا، قضانین دویولدوغو ایلک آندان اعتیبارن آراما قورتارما چالیشمالارینی یاخیندان تعقیب ائدن جومهورباشقانی رجب طییب اردوغان’ین، شهیدلره الله’دان رحمت، عائیله‌لرینه و تورک سلاحلی قووتلرینه باشساغلیغی دیله‌دیگی، یارالی عسگرلره شیفا تمنی‎سینده بولوندوغو قئید ائدیلدی.

آذربایجان جومهورباشقانی ایلهام علیئو، بینگؤل’دن بیتلیس’ه گئتمک اوزره قالخان عسگری هلیکوپتئرین قضایا اوغراماسی سونوجو شهید اولان عسگرلر اوچون جومهورباشقانی رجب طیییب اردوغان’آ باشساغلیغی مئساژی گؤندردی.

آذربایجان جومهورباشقانی ایلهام علیئو، “عزیز قارداشیم” دئیه باشلادیغی مئساژین‌دا، شو ایفاده‌لره یئر وئردی:

“عسگری هئلیکوپتئرین قضایا اوغراماسی سونوجو تورک عسگرلرینین شهید اولماسی خبری منی دریندن اوزدو. سیزه، شهیدلرین عایله‌لرینه، یاخینلارینا و تورک خالقینا، اؤزوم و آذربایجان خالقی آدینا تعزیه دیلکلریمی ایله‌تیر، یارالیلارا شیفا دیله‌ییرم. الله رحمت ائیله‌سین.”

 

هیچ دیدگاهی برای این مطلب ثبت نشده است

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

این سایت از اکیسمت برای کاهش هرزنامه استفاده می کند. بیاموزید که چگونه اطلاعات دیدگاه های شما پردازش می‌شوند.

روی خط خبر