آراز نیوز

ارگان خبری تشکیلات مقاومت ملی آزربایجان

دیرنیش
سه شنبه ۲۹ام اسفند ۱۴۰۲
شما اینجا هستید: / خبر / آزربایجان / اورمو دیوارلاریندا دونیا آنا دیلی گونونو قوتلاماق اوچون پوستر یاپیشدیریلیب

اورمو دیوارلاریندا دونیا آنا دیلی گونونو قوتلاماق اوچون پوستر یاپیشدیریلیب

اورمو دیوارلاریندا دونیا آنا دیلی گونونو قوتلاماق اوچون پوستر یاپیشدیریلیب
18 فوریه 2021 - 16:59
کد خبر: ۵۸۳۱۴
تحریریه آرازنیوز

آزربایجانین اورمو شهرینده میللی فعاللار دونیا آنادیلی گونونو قوتلاماق اوچون شهرین دیوارلاریندا پوستر یاپیشدیریبلار.

آراز نیوزا گلن شکیللر و معلوماتا گؤره، دونیا آنادیلی گونونون یاخینلاشماسی ایله اورمولو میللی فعاللار بو گونو قید ائتمک و ایراندا یاشایان ۴۰ میلیون تورکون بیرینجی اینسان حاقلاریندان بیری ساییلان آنادیلینده تحصیل آلماق حاقلاریندان محروم قالماسینا اعتراض اولاراق شهرین دیوارلاریندا پوستر یاپیشدیریبلار.

دیوارلارا یاپیشدیریلان پوسترلرین اوستونده “آنا دیلی اینسانین کیملییینی اولوشدورور”، “۴۰ میلیون تورکون آنا دیلینده تحصیل آلماسینین قارشیسیندا دورماق ایرقچیلیق دئییلسه بو ظولمون آدی ندیر؟” کیمی سؤزلر یازیلیب.

دونیا آنا دیلی گونونون یاخینلاشماسی ایله برابر سون گونلرده اورمو شهرینده میللی فعاللار شهر خیابانلاریندا اوشاقلار آراسیندا تورکجه کیتاب پایلاماقلا بو گونو قید ائدیبلر.

دونیادا بوتون دیللری قوروماق اوچون، ۲۰۰۱-جی ایلدن هر فوریه آیی نین ایرمی بیرینجى گونو یونسکو طرفیندن دونیا آنادیلی گونو آدلانیبدیر.

دیل هر بیر میللتین مادی و معنوی ایرثینی قورویان و گلیشدیرن ان اؤنملی و ان گوجلو آراجدیر.

هر بیر اینسان اؤز آنا دیلینی یاخشی بیلمه‌لی و اونو قورومالی‌دیر. آنادیلی اینسانین معنوی دونیاسی‌نین گلیشمه‌سینده، دونیاگؤروشونون گئنیشلنمه‌سینده، مکمل اؤیرتیم آلماسیندا، اؤز سویداش‌لاری ایله یاخشی ایلیشگی قورماسیندا اؤنملی رول اویناییر.

آنا دیلی میللتین اؤزللییی و وارلیغینی قوروماقلا یاناشی، چئویرمه (ترجومه) واسیطه‌سیله باشقا خالق‌لارین مدنی ایرثی ایله تانیش اولماغا، اونلارلا یاخشی ایلیشگی قورماغا ایمکان یارادیر.

ایرانین نئچه میللتدن اولوشان بیر اؤلکه اولماسینا باخمایاراق بو اؤلکه‌ده یاشایان غیرفارس میللت‌لر آنا دیلینده تحصیل آلماق کیمی بیرینجى حاقلاریندان محروم‌ قالیب و ایرانین یوروتدویو آسیمیلاسیون سیاستی ایه کولتورل بیر سوی‌قیریما معروض قالیبلار.

ایندیه قدر یوزلر آزربایجان تورکو و دیگر تورکلر و ها بئله دیگر غیرفارس میللت‌لرین سیاسی و مدنی فعاللاری صرف آنا دیلی مسئله‌سیله باغلی حبس ائدیلیب، ایشکنجه گؤروب و حبس جزالارینا محکوم اولوبلار.

حال حاضیردا آزربایجانلی سیاسی و میللی فعاللاردان علیرضا فرشی یئکانلی، توحید امیر امینی، بهنام شیخی، کیانوش اصلانی و حمید منافی نادارلی دونیا آنا دیلی گونونو قوتلاماق اوچون ایران حبس‌خانالاریندا اونلارا وئریلن حبس جزاسینی چکمکده‌دیرلر.

وورغولامالییق کی، ایران دونیادا تکجه اؤلکه‌دیر کی، اوندا بیر میللت چوخونلوق اولاراق یئنه‌ده اؤز آنا دیلینده تحصیل آلماق حاققیندان محرومدور.

 

هیچ دیدگاهی برای این مطلب ثبت نشده است

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

این سایت از اکیسمت برای کاهش هرزنامه استفاده می کند. بیاموزید که چگونه اطلاعات دیدگاه های شما پردازش می‌شوند.

روی خط خبر