آراز نیوز

ارگان خبری تشکیلات مقاومت ملی آزربایجان

دیرنیش
جمعه ۱۰ام فروردین ۱۴۰۳
شما اینجا هستید: / بیانیه / گونئی آزربایجان میللی حرکاتینین “قارچیچه‌یی‌”نین آزادلیغا بوراخیلماسینی تبریک ائدیریک!

گونئی آزربایجان میللی حرکاتینین “قارچیچه‌یی‌”نین آزادلیغا بوراخیلماسینی تبریک ائدیریک!

گونئی آزربایجان میللی حرکاتینین “قارچیچه‌یی‌”نین آزادلیغا بوراخیلماسینی تبریک ائدیریک!
17 ژانویه 2021 - 12:35
کد خبر: ۵۷۸۲۸
تحریریه آرازنیوز

  «بوی آتدیم، آیا چاتدیم، آیدان بیر سوزوب ایچدیم

ایچیب یولومو سئچدیم، ائل گوجویله دورماغا، ائل اوجاغین قوروماغا»

دوکتور لطیف حسنی-تبریز اطلاعات تجریدخاناسی-۲۰۱۰

 

 

عزیز آزربایجان تورک میللتی!

گونئی آزربایجان میللی حرکاتی‌نین دیرنیشلی قارچیچه‌یی، ایران سؤمورگه‌چیلیگی ایله موباریزه آپاران دؤکتور لطیف بی حسنی عؤمرونون ۵-دن بیرینی آوتوریتار ایران رئژیمی‌نین حبسخانالاریندا ییلمادان، اوسانمادان، اگیلمه‌دن، هئچ بیر آن اولموش اولسا ترددود ائتمه‌دن کئچیره‌رک، نهایت ساختاکار و تهلوکه‌سیزلیک قوروملاریندان امر آلان پوزوق (فاسد) محکمه سیستئمی طرفیندن عدالتسیزجه کسیلمیش حبس جزاسی‌نین سونا چاتماسی ایله سربست بوراخیلیب.

ان چتین و باسقیچی شرطلر آلتیندا اسارته قارشی دیرنیش، آزادلیق و عوصیان سیموولو اولان قارچیچه‌یی، لطیف بی حسنی‌نین عؤمور بویو ظلمه، عدالتسیزلیگه و حاقسیزلیغا قارشی موباریزه آپاردیغی اوچون بو سیموولو تمثیل ائده بیلن ان دوغرو شخصدیر.

ایران سؤمورگه‌چی سیستئمی، آزربایجانیمیزین “قارچیچه‌یینی” حبسه آتماقلا، اونو سوسدورا بیله‌جه‌گینی، توتدوغو موباریزه یولوندان ساپدیرا بیله‌جه‌گینی ظن ائتمیشدی، آنجاق دؤکتور لطیف بی حسنی‌نین بوتون حبسده اولدوغو ایللر بویونجا هئچ بیر زامان سسسیز قالمادیغی و میللتی‌نین یانیندا اولدوغونو آزربایجان‌ین دوشمنلری شاهید اولدو.

دئموکراسی و اینسان حاقلاری چرچیوه‌سینده ایفاده و دوشونجه آزادلیغی، پلورالیزم، قادین حقوقو و برابرلیگی کیمی چاغداش دونیا دگرلرینی منیمسه‌میش، آزربایجان تورک میللتی‌نین اؤز موقدراتینی تعیین ائتمه حاقی اوغروندا سؤمورگه‌چیلیک، دیکتاتورلوق و ایرقچیلیگه قارشی آپاردیغی دینج سیاسی موباریزه‌سی آزربایجان گنجلیگی طرفیندن داوام ائتدیریله‌جک.

بیز، «آزربایجان سیاسی قورولوشلاری‌نین امکداشلیق پلاتفورماسی» اولاراق، دؤکتور لطیف بی حسنی‌نین سربست بوراخیلماسینی باشدا بیر آن بئله لطیف بیی یالنیز بوراخمایان حیات یولداشی اعظم خانیما، عائله‌سینه، میللی فعاللارا و آزربایجان تورک میللتینه تبریک ائدیب، بوتون ویجدان و سیاسی محبوسلار او جومله‌دن عباس بی لیسانی، علیرضا بی فرشی، سیامک بی میرزایی، یوسف بی کاری و داها بیر چوخ محبوسوموزون درحال قئیدسیز-شرطسیز آزادلیغا بوراخیلماسینی طلب ائدیریک.

بیز، «آزربایجان سیاسی قورولوشلاری‌نین امکداشلیق پلاتفورماسی» اولاراق، آزربایجان تورک میللتی‌نین ایران حاکمیتی‌نین تجریدخانالاری و حبسخانالاریندا ساخلانیلان و ایشگنجه اولان فداکار، ایناملی و دیرنیش روح‌لو اؤولادلاری ایله بیرگه آزادلیق و قورتولوش یولوندا موباریزه آندیمیزی یئنیله‌ییب، میللتیمیزین و وطن تورپاقلاریمیزین دوشمنلری‌نین الینی قیسالدانا قدر کسینتی‌سیز موباریزه‌میزه داوام ائدجه‌گیمیزی اعلان ائدیریک.

 

  آزربایجان سیاسی قورولوشلارینین امکداشلیق پلاتفورماسی (آذوح، دیرنیش، گادپ)

۱۷٫۰۱٫۲۰۲۱


Güney Azərbaycan Milli Hərəkatının Qarçiçəyinin Azadlığa Buraxılmasını Təbrik Edirik!

“Boy atdım, aya çatdım, Aydan bir süzüb içdim

İçib yolumu seçdim, El gücüylə durmağa, El ocağın qorumağa”

Dr. Lətif Həsəni-Təbriz İttilaat təcridxanası-۲۰۱۰

Əziz Azərbaycan Türk Milləti!

Güney Azərbaycan milli hərəkatının dirənişli qarçiçəyi, İran sömürgəçiliyi ilə mübarizə aparan Dr. Lətif bəy Həsəni ömrünün 5-dən birini avtoritar İran rejiminin həbsxanalarında yılmadan, usanmadan, əyilmədən, heç bir an olmuş olsa tərəddüd etmədən keçirərək, nəhayət saxtakar və təhlükəsizlik qurumlarından əmr alan pozuq məhkəmə sistemi tərəfindən ədalətsizcə kəsilmiş həbs cəzasının sona çatması ilə sərbəst buraxılıb.

Ən çətin və basqıçı şərtlər altında əsarətə qarşı dirəniş, azadlıq və üsyan simvolu olan Qarçiçəyi, Lətif bəy Həsəninin ömür boyu zülmə, ədalətsizliyə və haqsızlığa qarşı mübarizə apardığı üçün bu simvolu təmsil edə bilən ən doğru şəxsdir.

İran sömürgəçi sistemi, Azərbaycanımızın Qarçiçəyini həbsə atmaqla, onu susdura biləcəyini, tutduğu mübarizə yolundan sapdıra biləcəyini zənn etmişdi ancaq Dr. Lətif bəy Həsəninin bütün həbsdə olduğu illər boyunca heç bir zaman səssiz qalmadığı və millətinin yanında olduğunu Azərbaycanın düşmənləri şahid oldu.

Demokrasi, insan Haqları çərçivəsində ifadə və düşüncə azadlığı, plüralizm, qadın hüququ və bərabərliyi kimi çağdaş dünya dəyərlərini mənimsəmiş, Azərbaycan Türk Millətinin öz müqəddəratını təyin etmə haqqı uğrunda sömürgəçilik, diktatura və irqçiliyə qarşı apardığı dinc siyasi mübarizəsi Azərbaycan gəncliyi tərəfindən davam etdiriləcək.

Biz, Azərbaycan Siyasi Quruluşlarının Əməkdaşlıq Platforması olaraq, Dr. Lətif bəy Həsəninin sərbəst buraxılmasını başda Lətif bəyi bir an belə yalnız buraxmayan həyat yoldaşı Əzəm xanıma, ailəsinə, milli fəallara və Azərbaycan Türk Millətinə təbrik edib, bütün vicdan və siyasi məhbusları o cümlədən Abbas bəy Lisani, Əlirza bəy Fərşi, Siyamək bəy Mirzayi, Yusuf bəy Kari və daha bir çox məhbusumuzun dərhal qeydsiz-şərtsiz azadlığa buraxılmasını tələb edirik.

Biz, Azərbaycan Siyasi Quruluşlarının Əməkdaşlıq Platforması olaraq, Azərbaycan Türk Millətinin İran hakimiyyətinin təcridxanaları və həbsxanalarında saxlanılan və işgəncə olan fədakar, inamlı və dirəniş ruhlu övladları ilə birgə azadlıq və qurtuluş yolunda mübarizə andımızı yeniləyib, millətimizin və vətən torpaqlarımızın düşmənlərinin əlini qısaldana qədər kəsintisiz mübarizəmizə davam edəcəyimizi elan edirik.

Azərbaycan Siyasi Quruluşlarının Əməkdaşlıq Platforması (AZOH, Dirəniş, GADP)

۱۷٫۰۱٫۲۰۲۱

هیچ دیدگاهی برای این مطلب ثبت نشده است

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

این سایت از اکیسمت برای کاهش هرزنامه استفاده می کند. بیاموزید که چگونه اطلاعات دیدگاه های شما پردازش می‌شوند.

روی خط خبر