آراز نیوز

ارگان خبری تشکیلات مقاومت ملی آزربایجان

دیرنیش
یکشنبه ۶ام مهر ۱۳۹۹
آخرین عناوین
شما اینجا هستید: / تیتر یک / کووید ۱۹ آدیندا گونجل «تپه‌گؤز»، دونیا اینسان‌لارینا مئیدان اوخویور

یازی:

کووید ۱۹ آدیندا گونجل «تپه‌گؤز»، دونیا اینسان‌لارینا مئیدان اوخویور

کووید ۱۹ آدیندا گونجل «تپه‌گؤز»، دونیا اینسان‌لارینا مئیدان اوخویور
28 مارس 2020 - 15:51
کد خبر: ۵۳۹۶۶
تحریریه آرازنیوز

م. ف.

یئنی چیخان بو آزارین «دده قورقود» بوکوسونده اولان «تپه‌گؤز» حیکایه‌سینه چوخ بنزری وار؛ هر ایکیسی اینسانین یانلیشی‌ و دوغا دوزه‌نینه ال آپارماغی ایله باشلاییب و حیوان‌لاردان اینسانا کچیب.

تپه‌گؤز ده حیوان‌لاری یئیه‌ندن سونرا اینسان‌لارا داراشیب، هر ائودن بیر یا دا نئچه قوربان آلماغا باشلاییب و گونو- گوندن بؤیویه‌رک گوج‌لنیب، قیداسی دا آرتیب و دویماق بیلمز دوروما گلیب چیخیب. اونو دوغان آناسی، اونو بلا اولاراق توخونولماز ائدیب، اوغوز ائل‌لرینه بوراخمیشدی، و سونوندا ائلین اولو تانری‌دان دیله‌مه‌لریله، خالقین ایسه قهرمان ایگیدلری الی‌له یئنیلگی‌ و چؤکوش یئری بللی اولوب، گؤزوندن اوخلاناراق اولدورولوب. بئله لیکله اوغوز ائل‌لری اوندان قورتارمیشدی.

ایندی «کووید ۱۹» آدیندا بو یئنی و گونجل تپه گؤز گون اوزونه چیخیب و دونیا چاپیندا یاییلاراق، بؤیویه- کیچییه، یاشلی‌یا- گنجه باخمایاراق هامیسینا سالدیریر، بعضا آغیر چیرپینتی‌لارا – اؤلوم‌لره ندن اولور.

کیمین و کیم‌لرین ال‌لریله قاییریلماسی و توخونولماز ائدیلمه‌سی، هانسی‌سا آماج‌لا یایلماسی هله ده خالقا بللی اولماییب، گون اوزونه چیخماییبدیر. تکجه گؤروندویو یؤنو اینسان‌لارین آراسیندا چوخ یئیین یاییلماسی، اینسان‌لارین اؤلوم‌لرینه ندن اولماسی دیر. ایندیلیک ایسه، تک یؤنتم ائودن دیشاری چیخاماماق و باجاردیقیمیز قدر ساغلیق قورال‌لارینی بو قونودا یئرینه یئتیرمک و ایشلریمیزی تئلفون‌لا یا دا سانال دونیا اوزرینده گؤرمک‌دیر. گؤره‌سن بو آدامجیل آزار هانسی دوشونورلر یا بیلیم آدام‌لارینین چالیشماسییلا دوردورولاجاق؟!

آنجاق دئمه‌لی‌یم، تپه‌گؤز بالالامیردی، چوخالمیردی. «کووید ۱۹» گونجل اولماسینا گؤره بالالاییر، چوخالیر…
او، گؤزه گؤرونن ایدی، بو ایسه گؤزه گؤرونمزدیر، اؤزل میکروسکوپ‌لارلا گؤرونور.
او، اوغوز ائل‌لری‌نین باشینا بلا ایدی، بو ایسه بوتون اینسان تؤره‌مه‌لری‌نین باشینا درد آچیب. بو، یوخسولا- وارلی‌یا، بیلگینه- بیلگی‌سیزه، گوجلویه- گوجسوزه باخمیر و هامیسینا سالدیریر…
تپه‌گؤز یئم اولاراق ایلک قویون و داوارلاری، سونرا اینسان‌لاری آپاریرمیش، آنجاق «کووید ۱۹» بوتون ائولره گیریر…

بو خسته‌لیک‌له باش- باشا قالان اینسان‌لاریمیز و گئجه- گوندوز دئمه‌دن چالیشان و اؤز جان‌لارینی خالقین ساغلیغی اوچون تهلوکه‌یه آتان ساغلیق چالیشان‌لاریمیزا اولو تاری یاردیمجی اولسون. /سانجاق

هیچ دیدگاهی برای این مطلب ثبت نشده است

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

این سایت از اکیسمت برای کاهش هرزنامه استفاده می کند. بیاموزید که چگونه اطلاعات دیدگاه های شما پردازش می‌شوند.

روی خط خبر