آراز نیوز

ارگان خبری تشکیلات مقاومت ملی آزربایجان

دیرنیش
جمعه ۱۰ام فروردین ۱۴۰۳
شما اینجا هستید: / خبر / آزربایجان / یئنی گاموح باشقانی، سایین دوکتور لطیف حسنی دن یئنی ایل اوچون تبریک مئساژی

یئنی گاموح باشقانی، سایین دوکتور لطیف حسنی دن یئنی ایل اوچون تبریک مئساژی

یئنی گاموح باشقانی، سایین دوکتور لطیف حسنی دن یئنی ایل اوچون تبریک مئساژی
19 مارس 2020 - 23:04
کد خبر: ۵۳۹۰۴
تحریریه آرازنیوز

بو ایل خالقیمیز اولکه نین باشقا خالقلاری کیمی قارشیدان گلن یاز بایرامینی‌ ایللردن بری توتالیتر حاکمییتین میراث قویدوغو اقتصادی چتینلیک لرله یاناشی بوتون قورخو و اضطراب ایچینده قارشیلاماقدادیر. بو یاراماز حاکمییتین بیلرکدن یاراماز سیاست لری نین اوجباتیندان اینسانلار خزل کیمی یئره اله نیر؛ ساغلام قالانلار ایسه بیر-بیرلرینی کورونا (کووید ۱۹) آدلی اولومجول و یولوخوجو خسته لییه یولوخدورولماغیندان چکینرک، آچیق یاز هاواسیندان قاچیب ائولری نین بوجاغینا سیغیناراق ۱۳۹۹-جو ایل یاز بایرامینی یالنیزجاسینا قارشیلاماق زوروندادیرلار.

تاریخین شفاهی و هرهانسی یازیلی صحیفه لرینده بو گونه دک بئله بیر یاز بایرامی نین قارشیلانماسی قئید اولونماییب. سوزسوز کی، بو خسته لیک ده باشقا خسته لیک لر کیمی گئج-تئز بشرییتین بیلگیسی قارشیسیندا یئنیله جکدیر. آنجاق ائولادلاریمیزین گله جه یینی بئله بیر سورومسوز حاکمییته تاپشیرماق جنایت دئییل می؟!

هر حالدا آتالار دئمیشکن”یامان گونون عومرو آز اولار.” بونونلادا قارشیدان گلن یاز بایرامینی اولو خالقیمیزا تبریک دئیه‌رک، اونلارا جان ساغلیغی، اوزگورلوک،باغیمسیزلیق و اولومجول خسته لیک لردن و رژیم لردن قورتولوش دیله ییرم.

رجایی شهر تورمه سی.۱۳۹۸ ایلین بایرام آیی لطیف حسنی(یئنی گاموح باشقانی)

۱ دیدگاه برای این خبر ثبت شده است

  • سلام. اگر ممکن است لینک سایر احزاب و سایت های اذربایجان جنوبی را در بالای سایت قرار دهید .
    این کار کمک به حرکت ملی است
    مرسی

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

این سایت از اکیسمت برای کاهش هرزنامه استفاده می کند. بیاموزید که چگونه اطلاعات دیدگاه های شما پردازش می‌شوند.

روی خط خبر