آراز نیوز

ارگان خبری تشکیلات مقاومت ملی آزربایجان

دیرنیش
دوشنبه ۱۳ام مرداد ۱۳۹۹
آخرین عناوین
شما اینجا هستید: / خبر / آزربایجان / آبان اعتراضلاری و آزربایجانین فرقلی کیملیگی

سعید متین پورون توویتئریندن آلینمیش

آبان اعتراضلاری و آزربایجانین فرقلی کیملیگی

آزربایجان حرکتی بیر اجتماعی حرکت کیمی تثیت اولموشدور و بو گون یالنیز سیاسی آزادلیغین اولماماسیندان دولایی ساسیلشمیر. آیدین دیر (کی) بو سؤز سیاسیلشمه یه جک آنلامیندا دا دگیل. آزربایجان تورکچولوگو معین ایستک و دوشونجه لره مالیک دیر و طبیعی دیر کی اؤز اویونونو اوینار.

آبان اعتراضلاری و آزربایجانین فرقلی کیملیگی
2 دسامبر 2019 - 22:31
کد خبر: ۵۳۱۴۲
تحریریه آرازنیوز

آبان اولایلاری کئچن اوتوز ایلده یارانان اقتصادی- سیاسی اعتراضلارا بنزیر. بو ایکیلی ایستک ده اونو ۱۳۷۸ و ۱۳۸۸ حرکتلریندن آییریر. اونلار تام سیاسی و اورتا صینیف ایله تانینان ایستکلرله باغلی ایدیلار. اما آبان (اعتراضلاری) معیشت چتینلیگیندن میداندا بیربیرینه یئتیشمیش آلت و اورتا صینیفلاردیرلار.

آبانین بو کیملیگیندن دولایی اولاراق ۱۳۸۸ سیاسی آدلار سس سیز یا اونا بنزر دورومدادیرلار. اما آبان هله سیاسی بیرلیگه چاتمامیش. مانعلرین بیری پهلویچیلیک دیر. ۹۶ دی اولایینا نسبتده بیر آددیم ایره لیییب. آرتیق پهلوی دؤنمی نوستالیژیسی قابارمیر. اما تام اولاراق دا اونو سیله بیلمییب.

بو حادثه لرده آزربایجان فرقلی بیر کیملیک گؤستردی می؟ ائله بیل فرقی بولابیلجییک. زنگان و تبریز اؤرنک اولاراق، بو ایکی شهرده پهلوی نوستالیژیسی اؤنه چیخمامیش او بیری طرفدن تورکجه شعارلار دا سسله نیب.

آزربایجاندا تورکچولوگون گوجو اعتراضلاری ایرانین باشقا یئرلریندن آرتیق معیشته باغلیر. چونکو موجود سیاسی وضعیتی و سیاسی جریانلارین گرچک گوجونو نظرده آلاراق بورالاردا تورکچولوک دیشیندان سیاست دوام ائده بیلمز. البته معیشت چتینلیگی خالقی تورکچو سیاسته گؤزو یولدا ساخلامایاجاق.

اما تورکچو بو گون معیشت سیاستی سونا بیلر می؟ یوخ. تورکچولوک هله بیر سوسیال حرکت اولاراق دوام ائدیر. تورکچولوک ۷۰ لرده قبول قازانان اجتماعی حرکتلرین بیری ایدی اما بو گون او گونکو رقیبلریندن بیری ده یوخدور. ایندی آزربایجان سیاسی موحیطینده سوسیال حرکت اولاراق تورکچولودن آیری بیر شی یوخ.

آزربایجان حرکتی بیر اجتماعی حرکت کیمی تثیت اولموشدور و بو گون یالنیز سیاسی آزادلیغین اولماماسیندان دولایی ساسیلشمیر. آیدین دیر (کی) بو سؤز سیاسیلشمه یه جک آنلامیندا دا دگیل. آزربایجان تورکچولوگو معین ایستک و دوشونجه لره مالیک دیر و طبیعی دیر کی اؤز اویونونو اوینار.

آزربایجا یئنی باشلامامیش. ۳۰ ایلدیر دواملی کیملیکچی-آزادلیقچی و عدالت پرنسیپلرینه قارشی اولمایان بیر حرکتدیر. نئجه کی آیدینلارین بؤیوک حیصه سی نئو لیبراللاشدیغی زامان خالقا قارشی اولمادی دوامدا دا ایستر ایستمز عدالت چی قالاجاق. طبیعی کی بو حرکتدن آیریلانلار دا اولاجاق.

هیچ دیدگاهی برای این مطلب ثبت نشده است

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

این سایت از اکیسمت برای کاهش هرزنامه استفاده می کند. بیاموزید که چگونه اطلاعات دیدگاه های شما پردازش می‌شوند.

روی خط خبر