آراز نیوز

ارگان خبری تشکیلات مقاومت ملی آزربایجان

دیرنیش
پنج شنبه ۱ام فروردین ۱۳۹۸
آخرین عناوین
شما اینجا هستید: / خبر / آزربایجان / خوی شهرینده ۳۵ اعتراضچی‌نین محکمه‌سی کئچیریلدی

تورکجه خبر:

خوی شهرینده ۳۵ اعتراضچی‌نین محکمه‌سی کئچیریلدی

گونئی آزربایجانین خوی شهرینده 35 اعتراضچی وطنداشین محکمه‌سی نئچه دقیقه ایچینده کئچیریلدی.

خوی شهرینده ۳۵ اعتراضچی‌نین محکمه‌سی کئچیریلدی
۲۲ شهریور ۱۳۹۷ - ۱۷:۵۵
کد خبر: ۴۶۶۸۶
تحریریه آرازنیوز

گونئی آزربایجانین خوی شهرینده ۳۵ اعتراضچی وطنداشین محکمه‌سی نئچه دقیقه ایچینده کئچیریلدی.

آرازنیوزون بیلگیلرینه اساسن؛ کئچن ایلین اعتراضلاریندا پلیس و امنیتی قوه‌لر طرفیندن توتوقلان ۳۵ خوی شهرینین وظنداشلاری بیر نئچه دقیقه ایچینده مودافیعه حاقلاری اولمادان، خوی محکمه‌سینین بیرینجی شعبه‌سی طرفیندن، قاضی درخوشون ریاست ایله محاکمه اولدولار.

۱۹ شهریورده گرچکلشن بو عدالت سیزجه محاکمه بیر چوخ حقوقچونون نظرینه گؤره بو محکمه حقوقی باخیمیندان دگرسیز و قانونسوز کئچیریلدی.

خوی محکمه‌سینده گرچکلشن بو محاکمه ده ۳۵ گونئی آزربایجان وطنداشی بیر نئچه دقیقه ده یارقیلانیب گلجک گونلرده ایسه تجدید نظر محکمه‌سی اولوب اولمادیغی داها بللی دئییلدیر.

محکمه‌ده یارقیلانان، کئچن ایل دی آیی نین ۱۰-دا، خوی شهرینده باریشجیل بیر اعتراضا قاتیلدیقلاری اوچون، اطلاعات، سپاه اطلاعاتی، انتظامی قوه‌لری و خویون آگاهی اداره سی طرفیندن گؤز آلتینا آلینیب و بو اورگانلار طرفیندن دفعه لرجه سوروشدورولدوقدان (بازجویی) سونرا آغیر وثیقه لر قارشیلیغی ایله کئچیجی اولاراق سربست بوراخیلدیلار.

خویون باریشجیل اعتراضلاریندا ۶۰ نفردن چوخ گؤز آلتینا آلینان وطنداشلاردان ۳۵ نفرینه کسین قضایی حکم کسیلدی.  بو ۳۵ شخصی سوچلایان اتهاملاردان «اؤلکه نین ایچ گوونلیگینی خطره سالماق و بو آماج اوچون اینسانلاری بیرلشدیرمک»، «حکومته قارشی تبلیغی فعالیت»، «ایران اسلام جمهوریتی نین دینی رهبری خامنه‌ایی‌یه توهین ائتمک»، «عمومی دینجلیگی پوزماق» و «سیویللرین آسایشینی مختل ائتمک» سوچلاری ساییلیبدیر.

محمدباقر اباذری، امیر ابراهیم‌زاده خویی، علی اروج‌زاده امیربیگی، مریم اسدلو، علیرضا جباری، اکبر جعفرپور، حامد جعفری، وحید جعفری، محمد حاجی‌الهیاری، ناصر حاجی‌زاده، هادی حاجی‌علیزاده پارچلو، صدرا حاجی‌علیقلی‌لو، میلاد حاجی‌لو، روح‌الله‌حسین‌زاده، مهدی حیدری آغباش، شایان خلیل‌زاده، وحید رستم‌لو، مهدی زمان‌خانی، عارف‌سلطانعلی‌زاده، هاتف سلطانعلی‌زاده، حمید صادق، آرزو صحرایی، امیرحسین عالی‌نژاد و منوچهر قره‌محمدلو، ۳۵ نفرین بیر نئچه سیدیرلر کی ایرانین خوی دادگاهی طرفیندن عدالت سیزجه قوندارما اتهاملارلا محاکمه اولوبلار.

هیچ دیدگاهی برای این مطلب ثبت نشده است

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

این سایت از اکیسمت برای کاهش هرزنامه استفاده می کند. بیاموزید که چگونه اطلاعات دیدگاه های شما پردازش می‌شوند.

روی خط خبر