آراز نیوز

ارگان خبری تشکیلات مقاومت ملی آزربایجان

دیرنیش
جمعه ۱۰ام فروردین ۱۴۰۳
شما اینجا هستید: / خبر / آزربایجان / ۷ گونئی آزربایجان ملی فعالین تجدید نظر محکمه‌سی قورولدو

۷ گونئی آزربایجان ملی فعالین تجدید نظر محکمه‌سی قورولدو

فیتیله آدلی تلویزیون برنامه سینده کی توهین لره قارشی اعتراض ائدن 7 نفر آزربایجان ملی فعالین تجدید نظر محکمه‌سی قورولدو.

۷ گونئی آزربایجان ملی فعالین تجدید نظر محکمه‌سی قورولدو
4 سپتامبر 2018 - 16:57
کد خبر: ۴۶۳۹۲
تحریریه آرازنیوز

فیتیله آدلی تلویزیون برنامه سینده کی توهین لره قارشی اعتراض ائدن ۷ نفر آزربایجان ملی فعالین تجدید نظر محکمه‌سی قورولدو. بو وطنداشلاریمیز ۹۴ ایلی آبان آییندا ایران ٰرژیمین امنیتی و انتظامی نیرولاری طرفیندن توتوقلاندیلار. ایلکین محکمه‌ده بو ۷ ملی فعالا توپلام ۵۸ آی حبس جزاسی کسیلمیشدی

شنبه گونو شهریور آیی نین ۱۰-دا شرقی آزربایجان استانی نین ۳-جو شعبه سی قاضی علیزاده نین ریاستی ایله تجدید نظر محکمه‌سی قورولوبدور. فیتیله برنامه سی نین تورک ملتینه ائتدیگی توهین لره قارشی خیابانلارا چیخیب اعتراضلارینی بیلدیرن ۷ نفر گونئی آزربایجانین ملی-مدنی فعالی بو محکمه‌یه چاغیریلمیشیدیلار.

آنجاق حال حاضردا بو ۷ نفرین ۳ ایران رژیمی نین محبس لرینده دوستاقدیلار. محکمه‌یه چاغیریلانلار اکبر ابول زاده،‌حامد الهوردی پور، مرتضی شکری،‌ اسرافیل فتح الله زاده، ابراهیم نوری، صالح ملاعباسی و سلیمان کاظمی دن عبارتدیرلر. بونلارین ایچینده صالح ملا عباسی،‌ ابراهیم نوری و سلیمان کاظمی تهرانین ائوین زندانیندا دوستاقدیلار و تجدید نظر محکمه‌سینده اؤزلریندن دفاع ائده بیلمدیلر.

نهایتده تجدید نظر محکمه‌سی فیتیله برنامه سینده اولان توهینی یالنیش تانیدی آنجاق اونا اعتراض ائدنلری تجزیه طلب آدلاندیردی. بو آیریمجیلیق عدالتین سونوجو صالح ملا عباسی،‌اکبر ابول زاده و ابراهیم نوریه ۱۰ آی و حامد الهوردی پور، سلیمان کاظمی، مرتضی شکری و اسرافیل فتح الله زاده یه ۷ آی تعزیری حبس اولدو. تجدید نظر محکمه‌سی بو ملی فعاللارین سوچون «ایران اسلام جمهوریتینه قارشی تبلیغی چالیشما» تعیین ائتدی.

هیچ دیدگاهی برای این مطلب ثبت نشده است

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

این سایت از اکیسمت برای کاهش هرزنامه استفاده می کند. بیاموزید که چگونه اطلاعات دیدگاه های شما پردازش می‌شوند.

روی خط خبر