آراز نیوز

ارگان خبری تشکیلات مقاومت ملی آزربایجان

دیرنیش
جمعه ۱۰ام فروردین ۱۴۰۳
شما اینجا هستید: / خبر / آزربایجان / آمریکادا ایکی نفر ایران حکومتینه جاسوسلوق اتهامینا توتوقلاندی

آمریکادا ایکی نفر ایران حکومتینه جاسوسلوق اتهامینا توتوقلاندی

آمریکا عدلیه باخانلیغی دوشنبه آخشام بیر بیانات دا آچیقلاییب کی ایکی نفر ایران حکومتینه جاسوسلوق ائتمک اتهامینا، او جمله‌دن بیر یهود مرکزینی نظرده توتماق و مجاهدین خلق آدلانان اؤرگوته یاردیم و حمایت ائدن بیر مرکزین بیلگی‌لرینی توپلاماق اتهامینا آمریکا دا توتوقلانیبلار .

آمریکادا ایکی نفر ایران حکومتینه جاسوسلوق اتهامینا توتوقلاندی
21 آگوست 2018 - 15:51
کد خبر: ۴۶۰۰۷
تحریریه آرازنیوز

آمریکا عدلیه باخانلیغی دوشنبه آخشام بیر بیانات دا آچیقلاییب کی ایکی نفر ایران حکومتینه جاسوسلوق ائتمک اتهامینا، او جمله‌دن بیر یهود مرکزینی نظرده توتماق و مجاهدین خلق آدلانان اؤرگوته یاردیم و حمایت ائدن بیر مرکزین بیلگی‌لرینی توپلاماق اتهامینا آمریکا دا توتوقلانیبلار .

دوشنبه گئجه سی یایینلانان بو بیانات‌دا قئید اولونوب کی ۳۸ یاشیندا اولان احمدرضا محمدی دوستدار، آمریکا و ایران وطنداشی و کالیفرنیا ایالتینده یاشایان ۵۹ یاشیندا اولان ایران وطنداشی مجید قربانی  آگوست آیی‌نین ۹ – دا توتوقلاناراق ایران رژیمینه چالیشماق ندنی ایله سوچلانیبلار.

بو سوچلامایا گؤره احمدرضا محمدی دوستدار ۲۰۱۷ – جی ایلین ژوئیه آییندا ایران حاکمیتینه «دشمن» ساییلان تشکیلاتلار و یا شخصلردن او جمله دن اسرائیل ایله ایلگی‌ده اولان اؤرگوتلر و مجاهدین خلق آدلانان اؤرگوتوندن بیلگی توپلاماق اوچون ایران دان آمریکایا گلیب. آدی چکیلن شخص بو بیر آی‌دا ارتدوکس یهودی‌لرینین مرکزلرین شیکاگو دا نظرده آلیب و او مرکزین امنیتی اوچون قوللانیلان جیهازلاردان شکیل و فیلیم چئکیب.

مجید قربانی آدلانان شخص‌ده کئچن ایل۲۰ سپتامبر تاریخینده مجاهدین خلق آدلانان تشکیلاتین ییغینتی‌سینا قاتیلاراق مراسیمده اولان شخصلردن شکیل چکیب پول قارشیلیغیندا یولداشلارینا وپریبدیر.

آدی چکیلن بو شخص مجاهدین خلق تشکیلاتی‌نین مای آییندا قورولان ٬انسان حاقلاری و ایران‌دا اؤزگورلوک٬ آدلی بیر باشقا ییغینتیسینادا قاتیلاراق عئینی شکلیده بو مراسیمه قاتیلانلارین و دانیشانلاری شکلینی چکیبدیر.

آمریکا عدلیه سینین یایینلادیغی بیلگیلره گؤره، بو شخص سونرا احمدرضا دوستدار لا ایلگی‌یه کئچیب الده اپتدیگی بیلگیلری و شکیللری ایران رژیمینه وئرمک قونوسوندا آنلاشیبلار. احمدرضا دوستدار ۲۰۱۷ – جی ایلین دسامبر آییندا ایراندان آمریکایا دؤنندن سونرا لس آنجلس ده مجید قربانی ایله گؤروشوب ۲مین دلار قارشیلیغیندا ۲۸ شکیل آلیب.

مجاهدین خلق آدلی ایران رژیمینه قارشی تشکیلاتین ییغینتیسیندان چکیلن شکیللر ۲۰۱۷ – جی ایلین دسامبر آییندا احمدرضا دوستدار آمریکانینن هاوا لیمانلارینین بیرینده اوچاغا مینرکن چانتالارینین بیرینده پلیس طرفیندن تاپیلیبدیر.

هیچ دیدگاهی برای این مطلب ثبت نشده است

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

این سایت از اکیسمت برای کاهش هرزنامه استفاده می کند. بیاموزید که چگونه اطلاعات دیدگاه های شما پردازش می‌شوند.

روی خط خبر