آراز نیوز

ارگان خبری تشکیلات مقاومت ملی آزربایجان

دیرنیش
سه شنبه ۲۹ام مرداد ۱۳۹۸
شما اینجا هستید: / خبر / آزربایجان / نئچه تانینمیش میلی فعالین ۲۹ اردیبهشت سئچکیسینده باتی آزربایجانین دورمو ایله باغلی بیلدیریسی

نئچه تانینمیش میلی فعالین ۲۹ اردیبهشت سئچکیسینده باتی آزربایجانین دورمو ایله باغلی بیلدیریسی

نئچه تانینمیش میلی فعالین ۲۹ اردیبهشت سئچکیسینده باتی آزربایجانین دورمو ایله باغلی بیلدیریسی
۲۰ اردیبهشت ۱۳۹۶ - ۱۱:۰۵
کد خبر: ۳۵۵۵۸
تحریریه آرازنیوز

نئچه تانینمیش میلی فعالین ۲۹ اردیبهشت سئچکیسینده باتی آزربایجانین دورمو ایله باغلی بیلدیریسی

بؤیوک تانری نین آدی ایله
اورمو و سولدوز شهرلری نین غیرتلی و شرفلی اهالیسی
و دیه رلی ملی- مدنی فعاللارینا مراجعت

عزیز و شرفلی یورتداشلار!
بو گون آذربایجانیمیز حساس و خطرلی بیر  بُرهه و آشامانی آشماقدادیر. بیلدیگینیز کیمی، گلن گونلرده اؤلکه سویه سینده سئچگیلر گئچیریله جکدیر.( جمهور باشقانلیغی و شهر شورالاری سئچگیسی) بو آرا آذربایجان و آذربایجانلیلار اوچون ان اؤنملی، اولان غربی آذربایجاندا اورمو و سولدوز شهر شورالاری نین سئچگیلری دیر. بو شهرلرده خاص بیر دوروم حاکم دیر. بعضی گیزلی و مرموز اللرله اوًنه سورولن بللی جریانلار، غربی آذربایجان و اوًزللیکله سؤزو گئدن بو ایکی شهرده دوغما و ازلی- ابدی اولان توپراقلاریمیزا دیش قیجیردیبلار. وارلیغیمیز قدر دَیه ر داشییان، هابئله استراتئژیک اهمیّته مالیک اولان بو ایکی شهره طمع گؤزو ایله باخیرلار. بو بللی جریانلار انتخابات فضاسی چرچیوه سینده، ایسته ییرلر ملّی- مدنی فعاللاریمیزین انسجامسیز و داغینیق دورومدا چالیشمالاریندان فایدالاناراق اؤز چیرکین ایستکلرین دوغرولدالار. اونلار بو شوم و بوروشوق اویونلارلا سولدوز و اورومو شهرلرینده هر بیر وسیله ایله او جمله دن باشقا شهرلرین رأی لرینی قایناغی بللی اولمایان  پوللارین گوجونه، بو شهرلره گتیریب، دوننه دک ایشله مک آدینا قوناق و کؤچگون اولان، آنجاق بوگون توپراق ادعاسینا دوشَن بعضی کورد قروپلاری، بو چیرکین شیوه لرله اؤز کاندیدالارینی  غالب ائتمه یه چالیشیرلار و ایسته ییرلر بئله گوًسترلرکی، اورمو و یا سولدوز شهری نین اهالیسی اونلارین کاندیدالارینا رأی وئریبلر. بو اومودلا کی، او شهرلرین ائتنیک ترکیبینی ایسته دیکلری کیمی گؤسترسینلر.
بو گون هر بیر اورمولو و سولدوزلو سویداشیمیزا، اؤزللیکله ملی- مدنی فعاللاریمیزا، ملّی بیر گؤرَودیر، تام آییقلیق ایله بیر آرایا گلیب تاریخی بیر اتحادی سرگییه قویاراق، لازم و گرکن ایشلرله، آذربایجانین گؤز ببگی اولان دیه رلی و عزیز شهرلریمیزی قوروسونلار.
بو گون لازم دیر ال- اله وئره رک، بو مرموز اللر و جریانلارین توطئه لرینی سیندیریب، میدانی بیر قازانج الده ائده رک،آجی سونوجلار اونلارین اؤزلرینه قایتاریلا !
بورادا تام سایغی و حؤرمتله بو ایکی شهریمیزده چالیشان دَیه رلی ملّی- مدنی فعاللاریمیزا اوز توتوب مراجعت ائده رک، بو عزیز  مُبارزلریمیزی بیرلیگه دعوت ائدیریک!
بو گون لازم دیر بوتون فردی و گروهی  اختلافلاریمیزی قیراغا قویوب، هامیمیز ال- اله، چیین- چیینه بیرلیگه دوغرو حرکت ائدیب و اؤزل اولاراق اورمو و سولدوز شهرلری شورالاری نین سئچگیلرینده جدیتله فعالیت ائده ک!
گلین گوجلو و بیرگه داوراناراق اجازه وئرمه یک اؤزگه لر توپراغیمیزا خور گؤزله باخسینلار! بیز اؤز و ملّی وجدانیمیزین و آذربایجانین گله جک نسیللری قارشیسیندا مسئولوق!
دیه رلی میللی – مدنی فعاللاریمیزدان تام سایغی ایله و آذربایجان آدینا دعوت ائدیریک  گوذشت و فداکارلیقلا عمل ائدیب و ملّی منافعیمیز اوغروندا سرعتله و ان قیسا بیر زاماندا حاضر کاندیدالار آراسیندان و باجاریقلی  انسانلاریمیزدان واحد بیر لیست حاضرلاییب اورمو و سولدوز شهرلری نین اهالیسینه تانیتدیرسینلار!
چوخ سایلی عزیز کاندیدالاریمیزدان دا خواهیش ائدیریک اؤز گوذشتلری ایله بو ایشده ملّی- مدنی فعاللاریمیزا کؤمکچی اولسونلار!
البته تام اعتذار ایله بیلدیرمه لیییک سایغیلی و دیه رلی ملّی- مدنی فعاللاریمیز هر بیر دلیله گؤره بو ایکی شهرده راضیلاشیب، واحد بیر نتیجه یه چاتا بیلمه سه لر، بیز آذربایجانیمیزی و استراتئژیک اهمیته مالک اولان شهرلریمیزی آرتیق طمع لیک ائدن اؤزگه لرین خطریندن قوروماق اوچون امکان چرچیوه سینده, حاضیر کاندیدالارین آراسیندان و اورتا سویه لی بیر لیستدن حمایه ائتمک مجبوریتینده قالاجاییق !
بوردا ائلیمیزین دولغون شفاهی ادبیاتیندان فایدالانیب سؤزوموزه سون قویوروق:
ائلین گوجو، سئلین گوجو
ائل بیر اولسا، داغ اوینادار یئریندن !

حسن دمیرچی
حسن راشدی
عباس لیسانی
اکبر آزاد

هیچ دیدگاهی برای این مطلب ثبت نشده است

پاسخی بگذارید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

این سایت از اکیسمت برای کاهش هرزنامه استفاده می کند. بیاموزید که چگونه اطلاعات دیدگاه های شما پردازش می‌شوند.

روی خط خبر